პროექტებით სწავლება ჩემს კლასში

         

     ტრენინგის მეცხრე დრეს გავეცანი მერვე მოდულს. ვიმუშავეთ პორთფოლიოს შეფასების რუბრიკაზე და ჩამოვტვირთეთ კურსის რესურსებში. მივაწოდეთ ერთმანეთს უკუკავშირი, ვისწავლეთ პორთფოლიოს ატვირთვა დრაივზე.       დღის ბოლოს ჩვენი პროექტის პორთფოლიო გამოვაქვეყნეთ ბლოგზე.

 ტრენინგის მერვე დღეს გაუზიარეთ ერთმანეთს სავარაუდო ნაშრომები და შეფასების რუბრიკები.  გავეცანი დიფერენცირებული სწავლების მეთოდიკაში მოცემულ ოთხ დონეს. ვიმუშავეთ მეექვსე მოდულში მოცემულ რესურსებზე. ტრენერმა შემოგვთავაზა პრეზენტაციის შაბლონი: "აღქმის სტილი." განვიხილეთ და ვიმსჯელეთ მოცემულ მასალაზე. გავეცანი ვარგნერის მიერ შემუშავებულ ინტელექტის 10 სახეობას. გეგმის შაბლონში შევავსეთ დარჩენილი მასალა.      ტრენერმა მოიწონა ჩემს მიერ შესრულებული ნაშრომი, რისთვისაც მადლობას ვუხდი ქალბატონ ნანას.

 ტრენინგის მეშვილდე დღე ძალიან საინტერესო და დატვირთული გვქონდა. ჩვენი მომზადებული პრეზენტავია გამოვაქვეყნეთ ჩვენს ბლოგზე. გავეცანით პროგრამა დრაივს. ფაილი ჩამოვტვირთეთ ეკრანზე, იგივე კონვერტირება. ჩემი  პრეზენტაცია ჩავაშენე ბლოგზე, რომლის ნახვა შეგვიძლია ბლოგზე. გავეცანით ვიდეო გაკვეთილების პორტალს, სადაც დრაივის და ბლოგის ნახვა.მუშაობა გავაგრძელეთ ჩვენს გზამკვლევზე. ჩამოვტვირთეთ შეფასების რუბრიკა და შევინახეთ კურსის რესურსებში. მადლობა ჩვენს ტრენერს.

 პროექტის მეექვსე დღეს განვიხილეთ, თუ როგორ უნდა გამოვიყენოთ ტექნოლოგიები ყველაზე ეფექტურად, სწავლების პროცესის ხელშეწყობისა და მოსწავლეთა სწავლის შეფასების მიზნით, ასევე განვიხილეთ, როგორ გავგეგმოთ აქტივობები პროექტის დასაწყისში, მსვლელობისას და დასასრულს. პროექტში გათვალისწინებული ვადები გავწერეთ ფაზების მიხედვით და შევიტანეთ გეგმის შაბლონში. როგორც წინა დღეებმა, ასევე დღევანდელმა დღემაც ნაყოფიერად ჩაიარა. გავიგე ბევრი საინტერესო და საჭირო მასალა, რისთვისაც ქალბატონ ნანა ედიშერაშვილს მადლობას ვუხდი.

    საიტიდან /tpdc.essentials/ შევარჩიე თემატური და შინაარსობრივი კითხვები ჩემი პროექტისათვის. განვიხილეთ პროექტის შეფასების გეგმა დასაწყისში, მსვლელობისას და დასრულების შემდეგ, ასევე ვისაუბრეთ  განმსაზღვრელ და განმავითარებელ შეფასებაზე და შევიტანე ცხრილში შესაბამისი მონაცემები.

   ტრენინგის მეოთხე დღეს მეწყვილეებმა გადავხედეთ ერთმანეთის გეგმის შაბლონს. დასრულების შემდეგ დავსვით:  სამი კითხვა, ორი კომენტარი და ერთი მნიშვნელოვანი რჩევა, მომეწონა კოლეგის ყურადღება ჩემი გეგმის მიმართ და აუცილებლად გავითვალისწინებ მის შეკითხვასაც, კომენტარსაც და რჩევასაც. განვიხილეთ სასწავლო პროექტების მეშვეობით სტანდარტების მიღწევის საკითხი. გავეცანით ინტერნეტრესურსებს, რომლებსაც გამოვიყენებთ კვლევაში, კომუნიკაციასა და თანამშრომლობის პროცესში, ასევე გავაუმჯობესებ სასწავლო პროექტის გეგმას.

   ტრენინგის მესამე დღეს დავრეგისტრირდი ბლოგზე, ჩამოვტვირთე ბუკლეტის შაბლონი და შევქმენი ჩემი ბლოგი. შევქმენი ბუკლეტი  სათაურით: რა ძალა აქვს დედის იავნანას. შევიტანე თემის მიზანი, 21-ე საუკუნის უნარ ჩვევები და განხორციელების დადებითი მხარეები, შევიტანე ბუკლეტისათვის საჭირო სურათები.

  პროექტის მეორე დღეს დავიწყეთ  მუშაობა სასწავლო პროექტის დაგეგმვაზე, პირველ რიგში გამოვავლინეთ სტანდარტით განსაზღვრული შედეგები, საიტიდან ჩამოტვირთული  21-ე საუნის უნარ-ჩვევები შევიტანე გეგმის შაბლონში.ასევე ჩამოვტვირთე ფაილი "მიმართულების მიმცემი მაგალითები".  განვიხილეთ შეფასების სხვადასხვა მეთოდი, რომელიც მოსწავლეთა საჭიროების დასადგენად განისაზღვრება.